”أدهم فاروق”رسام أبدع فابهر برسم الشخبطه من أجل الوصول لحلمه 

 

كتب نهى شاهين 

عشق وحب الفن، هو بوابة النجاح لأي شخص ،كثير من الأشخاص نجحوا ووصلوا للعالمية ، لمجرد الاتقان والايمان بحلمهم، دون النظر الى الصعوبات ،التى تمارس ضدهم، هو ما فعله الطالب المصري، في مجال الرسم بالشخبطه، أستطاع أن يصل الى موهبته، ويتحدى كل الظروف” أدهم وليد فاروق” وهو من أبناء محافظة الجيزة، من أرض اللواء ، مواليد 2003 ،أدهم منذ صغره لديه موهبة فى الرسم، وبرامج الفوتوشوب، وبرنامج الرسم الشهير paint على الكمبيوتر ، وكان بيرسم بالماوس، وعلى الورق، ولم يكتفي بموهبته الفنية التى أبهر بيه الناس مع مرور الوقت ، أستطاع أن يطور نفسه للافضل بالرسم عن طريق فن الشخبطه.

 

متى رسمت أول لوحه؟

 

أول لوحه ديچتال كانت “يوم 10 سبتمبر 2019″ وأول لوحة شخبطة كانت ” 12 أبريل 2020″

 

 

ما الصعوبات التى واجهتك فى البداية؟

 

الدراسة لأني كنت معظم الوقت بذاكر ومفيش وقت أمارس هوايتي وبسبب إني برسم براعي ايدي الشمال لأني اشوَل فجالي زي إلتهابات في أوطار كتفي وبقيت بوصل أن في أيام مش بقدر أحرك دراعي الشمال وده كان بيخليني أنقطع فترة ممكن توصل لشهر عن الرسم لغرض الراحة.

 

ما هى أهدافك من خلال لوحاتك؟

 

أوقات بتبقا لغرض أني أبسط حد قدامي برسمة كهدية بسيطة لأن معظم رسمي بورتريه لأشخاص الهدف التاني لأني بحب الرسم فعلا فعايز أطور فيه آكتر والهدف التالت لربح المال.

 

ما هى الأدوات التى تقوم باستخدمها ؟

 

قلم (touch) وموبايل وأي برنامج فيه استخدام فرشة رسم.

 

 

ما أكثر لوحه جذبتك لرسمها ؟

 

رسمة الفنان يحيى الفخراني في دور الملك لير ورسمة تانيه مش لشخص لكنها كانت زي ارتجال لرسم وش قطة.

 

هل لديك طقوس معينة لكي ترسم وتبدع؟

 

المكان يكون نور هادي… جلسة مريحة.. وأغاني (راب)

 

هل مزقت لوحه قبل اكتمالها أو بعد الانتهاء من رسمها؟

 

الرسم على الموبايل مفيش فيه تمزيق بس عموما في الاساس مكملش الرسمة وأقفل البرنامج وممكن توصل أني أمسح برنامج الرسم نفسه وده كان مرة حصلت وقت ما بدأت فعلا في رسمة وكنت برسم العين ومكنتش بتظبط عيدتها كتير ( أمسح وأعيد رسم العيون) لحد ما الحمد الله أخيرا ظبطت بس وقتها أوقات البرنامج الا برسم عليه يهنج ويمسح العيون بعد محاولات رسم وصلت لساعة ونص.

 

لو لم يكن أدهم فاروق رسام فماذا يصبح؟

 

كنت هفضل زي ما انا “محرر صور وفيديوهات ( editor)”.

 

 

هل لديك أفكار جديدة تريد تحقيقها فى المستقبل؟

 

 رسوماتي تبدأ تطبع مثال أن شخص معين بيحب بنت فيرسمها ويتطبع علي تيشرت ودي فكرة أنا بدأت في تنفيذها فعلا وأول مثال كان وقت حادثة الشيخ چراح وكنت بدأت أطبع رسمة لشخص بالوشاح الفلسطيني علي التيشرتات من باب الاعتراف بالاهتمام بالقضية المحاولة لوصول الصوت والدعم.

 

هل يعد الرسم تحررا للرسام ام هو سجين داخل لوحه ؟

 

الرسم في العموم إبداع والأبداع من مميزاته ملوش حدود وحرية لمثال أي فن الرسام هو اللي بايديه يحبس نفسه داخل إطار من الرسم (واعترف اني لفترة كنت كدا كنت برسم رسومات بورتريه الوجوه فقط) بعدها قررت ان لا ارسم كل حاجة أشخاص نبات حيوان جماد أشكال أستخدم الالوان في الرسم.

 

 

كم تستغرق من الوقت لرسم بورتريه؟

 

في البداية كانت الرسمة ممكن توصل لساعات مثال آتنين أو تلاتة مع الوقت والتعود والاتقان لطرق الرسم بقا التنفيذ سهل ممكن الرسمة تخلص من نص ساعة لساعة لكن في لوحات ممكن تاخد أيام ودي مش بتبقا بورتريه مثال كان رسم شعار النادي الأهلي أخد التنفيذ يومين.

 

 

حدثنا عن مشاركاتك فى المعارض أو المسابقات؟

 

المرات إلا تعرض عليا فيها أني أشارك بلوحات في معارض كانت بتتعارض مع التزاماتي الدراسية… فمكنتش بتوفق في قبول دعوات المشاركة.

 

ماذا تتمني أن تحقق فى المستقبل؟

 

إن رسم الشخبطة ياخد حقه آكتر في مجال رسم الديچتال وياخد حقه عموما في التقدير لأني كتير بواجه مشكلة ناس بتبقا أول مرة تشوف النوع ده من الرسم ويبدأوا يلقوا اتهامات أنها مش رسم لكنها (فيلتر بيحول الصورة لهذا الشكل). 

 

رسالة أخيرا لكل الموهوبين ؟

 

الدعم كل واحد يقدر يدعم زميله ميتأخرش سوا، بمعلومة أو شير لو هو شايفه يستحق وحاجة تانيه لو مبتدأ في أنت تقدر تتعلم أي حاجة في الدنيا بنفسك بالتغذية البصرية طبيعي تحتاج تتعلم الأساسيات من مختصين لكن تطوير شغلك بيكون بالتغذية البصرية.

 

ختامتي للحديث أتواجه بخالص الشكر للرسام أدهم فاروق مع تمنياتي له بالتوفيق والنجاح الدائم وخالص الشكر لكل السادة القراء.

    window.fbAsyncInit = function() {
      FB.init({
        xfbml            : true,
        version          : 'v10.0'
      });
    };

    (function(d, s, id) {
      var js, fjs = d.getElementsByTagName(s)[0];
      if (d.getElementById(id)) return;
      js = d.createElement(s); js.id = id;
      js.src="https://connect.facebook.net/ar_AR/sdk/xfbml.customerchat.js";
      fjs.parentNode.insertBefore(js, fjs);
    }(document, 'script', 'facebook-jssdk'));
   <span><a href="http://loans-cash.net">cash-loans.net</a></span>