وطني الحبيب يا مصر يسعد مسائك
نهى شاهين
Mar 28, 2021 05:13
189
0
مصر يااللي الحزن فيكي دايما. نفسي أشوفك مرة سعيدة. نفسي أشوفك مرة بتضحكي وفرحانة. نفسي أشوف
الفرحه فى وشوش الناس. يا مصر يا أغلى من روحى، يا بلدى ،ووطني يا تاج راسي.
امته الحزن يمشي من بابك ويبعد عنك؟ يا مصر هنعيش امته فى سلام وراحه بال بدون حوادث وموت وإهمال ودم وفقدان جوهرة الشباب. يا مصر يا اللي الحزن فيكي معلم على قلوب الناس. يا مصر يا أم الدنيا شبابك رجال جدعان وبناتك ولاد أصول.
يا مصر امتى الحزن يطلق سراحك؟ ويبعد عنك ويسيب أولادك يعيشوا بسلام. يا مصر امته جراحك يلم ويشفي قلوب الناس؟ امته نرجع نضحك من قلوبنا زى زمان؟ ونحس أن أحنا فى أمان امته ترجع مصر حبيبتي بلد الامن والامان؟ بلد طلعت حرب وسعد زغلول وأحمد زويل ومجدى يعقوب وجمال والسادات والمنسي وجميع الابطال والعظماء. قلبي معاكى يا أم الشهيد ابنك راح عند رب كريم. يا أهل سوهاج ي بلد الجدعنة تعازي لكم فى هذة المحنة الشديدة.
رحم الله ضحايا سوهاج والهم أهلهم وذويهم الصبر والسلوان وأن لله وإنا إليه راجعون.
