تعرف علي اهم تصريحات”حسين لبيب” بعد الفوز ببطولة الدوري الممتاز

 

كتب : إسراء جميل

صرح رئيس ناديالزمالك اليوم، الجمهور كان بيتكلم على الصفقات واحنا لسه مستمرين في الدوري عشان خايفين على الموسم الجديد ، طيب ما انا لسه بنافس على السيزون ده يبقي عندنا دوري وبعدين نشوف التدعيمات والحمد لله بقا عندنا دوري 

 

– الزمالك عنده ذخيره محترمه وعندنا ٢ من هدافين الدوري مصطفى فتحي و عمر السعيد وبامبو وكمان اوناجم وعدد كبير من الناشئين 

 

– معتقدش ان اوناجم قال مش عاوز ارجع وهو مقالش كده وبقولها تاني اي لعيب مش عاوز يلعب للزمالك هو الخسران لان الزمالك اكبر من اي حد ومن اي لاعب ، كل المعارين اتبعتلهم جواب انهم يرجعوا بلا استثناء. 

 

– كارتيرون عاوز ٣ لاعبين واحد للدفاع وواحد في خط الوسط ومهاجم ومش بالضروره هيبقوا لاعبين محترفين واللاعبين دول متفقين معاهم بالاضافه للمعارين 

 

– محمد صبحي راجع للزمالك وفي واحد من الحراس الحاليين ماشي رسمي من النادي ومش هقول اسماء حاليا 

 

– في اجرائات عقابيه في كل الالعاب بالنسبه لجنش وهو من كباتن الفريق ولكنه اخطئ واخطئ معناها انه يتعاقب وزي ما هو بياخد حقه يبقى لازم النادي كمان ياخد حقه لما هو يغلط والكلام ده مش مرتبط بالموسم اللي جي وبعد الموسم ما يخلص هنش ف كمجلس اداره ايه العقاب اللي هنشوفه ليه وهي دي مبادئ النادي واللي اتعلمناها منه.